Ինձ ոչ ոք պաշտոնանկ չի արել. Յանուկովիչ

«Ես մտադիր եմ շարունակել իմ պայքարը, ես Ուկրաինայի օրինական նախագահն եմ, և ինձ ոչ ոք պաշտոնանկ չի արել: Ես ստիպված եմ եղել լքել Ուկրաինան իմ կյանքին սպառնացող վտանգի պատճառով: Իշխանությունը զավթել են ծայրահեղականները, որոնք Ուկրաինայում փոքրամասնություն են կազմում»,- Դոնի Ռոստովում մեկնարկած մամուլի ասուլիսի ժամանակ հայտարարեց Յանուկովիչը:

Նա նշեց, որ միակ ելքը ընդդիմության և իր միջև կնքված համաձայնագրի պայմանների կատարումն է: Կարևոր է նաև պատժել բախումների ժամանակ գրանցված մահվան դեպքերի պատասխանատուներին:

Յանուկովիչը նշեց, որ այդ ողբերգական իրավիճակը Արևմուտքի քաղաքականության հետևանքն է, հավելելով, որ անհրաժեշտ է համաուկրաինական հանրաքվե անցկացնել: