Ներքին հրահանգ է իջեցվել` շտկել ԱԺ պատգամավորների՝ ԶՈՒ-ում ծառայած լինել-չլինելը

Ըստ «Ժողովուրդ»-ի տեղեկությունների՝ ԱԺ-ում ներքին հրահանգ է իջեցվել`  շտկել պատգամավորների կենսագրական տվյալները։ Քանի որ Հայոց բանակի 22-ամյակի առթիվ բազում հրապարակումներ եղան բանակում չծառայած պատգամավորների և պաշտոնյաների վերաբերյալ, ուստի իշխանական կուլիսներում որոշում է կայացվել գոնե բանակում ծառայած պատգամավորների տվյալները գրել։ Եվ ահա բոլոր պատգամավորները, որոնք ծառայել են հայկական կամ խորհրդային բանակում, պետք է ԱԺ կայքում՝ պատգամավորների կենսագրական տվյալների մեջ, հստակ մատնանշեն ԶՈՒ-ում ծառայած լինել-չլինելու հանգամանքը։

Երեկ ԱԺ պատգամավորներից շատերի օգնականները զբաղված էին այդ ճշտումներով։ Ավելին` նույն աղբյուրները «Ժողովուրդ»-ին հաղորդել են, որ նման հրահանգ է իջեցվել նաև մյուս պետական մարմիններին՝ կառավարություն, նախարարություններ, կառավարությանն առընթեր մարմիններ և այլն:

Մանրամասները՝ թերթի այսօրվա համարում։