Էրդողանի ''գլխի փորձանքը'' հիմա ''աչքի լույսն է'' դարձել

Ըստ Hurriyet-ի` Թուրքիայի վարչապետ Էրդողանը նախկինում ինտերնետը համարում էր իր գլխի «ամենամեծ փորձանքը», սակայն հիմա նույն ինտերնետն է գովաբանում՝ ասելով. «Ս՞ոցցանցում լավ բաներ էլ են լինում»:

 Թե ի՞նչ նկատի ուներ Էրդողանը, «լավ բաներ» ասելով, ավելի պարզ է դարձել բյուջեի հանձնաժողովի նիստում: Նոր ընդունվելիք օրենքի համաձայն` Թուրքիայում ինտերնետում տեղադրված ցանկացած նյութ, տեղեկություն, տվյալ վերահսկվելու է կառավարության կողմից:

Այդ օրենքը բաղկացած է լինելու հետևյալ կետերից`

1. «Բանալի» բառի միջոցով սահմանափակվելու է YouTube-ում «անհարմար» տեսանյութերի դիտումը, սակայն դեռևս պարզ չէ, թե ով կորոշի այդ «բանալի» բառը:

2. Յուրաքանչյուր օգտատերի քայլերը հսկվելու են, թե ո՞ր կայքերն է նա հաճախ այցելում, ի՞նչ բառեր է փնտրում, և այդ փաստաթղթերը մոտ մեկ-երկու տարի պահվելու են:

3. Այս գործընթացի ապահովման համար կստեղծվի պետական կառավարման «միասնություն»:

Հետաքրքիր է` Էրդողանը հասկանում է` ի՞նչ է սիրում, ի՞նչ չի սիրում: Կամ, ընդհանրապես, ի՞նչ է ուզում... Կարծում ենք` թուրք ժողովուրդը անգամ դեռ չի հասկացել: