3 երեխաների հայրը բռնաբարել է 14 տարին չլրացած աղջկան

«Իրավունք» թերթը գրում է. «Արմավիրի մարզի բնակիչ Հովհաննես Ս.-ն իր սեռական կրքերին հագուրդ տալու նպատակով, բռնություն գործադրելով եւ օգտագործելով 14 տարին չլրացած Սոնա Գասպարյանի (անունը փոխված է) անօգնական վիճակը, խաթարված ձեւով սեքսուալ բնույթի այլ գործողություններ է կատարել: Նա անչափահասին սեռական բռնության է ենթարկել Բաղրամյան գյուղում գտնվող քարհանքի պահակատան տնակում։

Թե ինչպես է վերջինս համարձակվել բռնի գործողություններ իրականացնել իր դստեր տարիքի աղջկա նկատմամբ եւ ընդունում է արդյոք իրեն առաջադրված մեղադրանքը, փորձեցինք պարզել վերջինիս փաստաբանից՝ Ցոլակ Մարգարյանից, ով մեզ հետ զրույցում ասաց.

- Պաշտպանյալին առաջադրված մեղադրանքը վերաորակման կարիք ունի: Իմ պաշտպանյալը մասնակի է ընդունում իրեն առաջադրված մեղադրանքը, այսինքն, բռնություն չի եղել երեխայի նկատմամբ։

-Այսինքն՝ դա եղել է երեխայի ցանկությա՞մբ։

-Դրա մասին ոչինչ ասել չեմ կարող։

Նշենք, որ մեղադրյալն ամուսնացած է, ունի 3 երեխա»։

Ավելի մանրամասն՝ թերթի այսօրվա համարում: