Լատվիայի խորհրդարանական պատվիրակությունն այցելեց Ծիծեռնակաբերդ

Լատվիայի Հանրապետության խորհրդարանի փոխնախագահներ Անդրեյ Կլեմենտեւը, Ինեսե Լիբինա-Էգներեն եւ պատգամավոր Դանա Ռեյզնիեցե-Օզոլան Ազգային ժողովի փոխնախագահ, Հայաստան-Լատվիա բարեկամական խմբի ղեկավար Էդուարդ Շարմազանովի ուղեկցությամբ այսօր այցելեցին Ծիծեռնակաբերդի հուշահամալիր եւ ծաղկեպսակ ու ծաղիկներ դրեցին Հայոց ցեղասպանության զոհերի հուշակոթողին` լռությամբ հարգելով մեկուկես միլիոն անմեղ զոհերի հիշատակը. տեղեկանում ենք ԱԺ պաշտոնական կայքից:

Պատվիրակության անդամները եղան Հայոց ցեղասպանության թանգարան-ինստիտուտում, դիտեցին ցուցանմուշները, ծանոթացան Հայոց եղեռնը հավաստող փաստաթղթերին: Հյուրերը գրառում կատարեցին «Պատվո հյուրերի» հուշամատյանում: