Վիգեն Սարգսյանը` բազմաֆունկցիոնալ շենքի սեփականատեր

Երեւանի Սայաթ-Նովայի h. 10 եւ 12 շենքերի բնակիչները մտահոգված են. գրեթե երկուսուկես ամիս է անցել, սակայն դեռ տեղի չեն ունեցել նշված շենքերի չգործող կաթսայատան փոխարեն կառուցվող բազմաֆունկցիոնալ շենքի մասին քննարկումները: Բնակիչներից մեկը «Ժողովուրդ»-ին տեղեկացրել է, որ «Լարկո գրուպ» ՍՊԸ-ի կողմից կառուցվող բազմաֆունկցիոնալ շենքի իրական սեփականատերը Սերժ Սարգսյանի աշխատակազմի ղեկավար Վիգեն Սարգսյանն է: «Ժողովուրդ»-ը փորձել է տեղեկությունը ճշտել Վ. Սարգսյանից, սակայն նա, սովորության համաձայն, հեռախոսազանգերին այդպես էլ չի պատասխանել:

Հիշեցնենք, որ Սայաթ-Նովայի փողոցի թիվ 10 եւ 12 շենքերի բնակիչները բողոքում էին, քանի որ իրենց` առանց այն էլ փոքր բակում «Լարկո գրուպ» ՍՊԸ-ն պատրաստվում է բազմաֆունկցիոնալ շենք կառուցել: Եվ բնակիչների բողոքը մեղմելու նպատակով Երեւանի քաղաքապետի կողմից ժամանակավորապես դադարեցվեցին շենքերի չգործող կաթսայատան շինաշխատանքները մինչեւ քննարկումներ, որոնք այդպես էլ չեն կայանում: