Փոխարժեքներ
26 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Պաշտպանության նախարար Սեյրան Օհանյանը, զինծառայողներին ծառայողական բնակարաններով ապահովելու գործընթացի շրջանակում, հոկտեմբերի 2-ին զինծառայողների ընտանիքներին հանձնեց նոր բնակարանների բանալիներն ու վկայագրերը. նախարարն այս անգամ Վայոց ձորի մարզի Խաչիկ գյուղում էր: Այս մասին տեղեկացնում է պաշտպանության նախարարության պաշտոնական կայքը և հավելում, որ բնակարանամուտ տոնեցին 9 զինծառայողների ընտանիքներ:
Շնորհավորելով բնակարանամուտի բերկրանք ապրող զինծառայողներին ու նրանց ընտանիքների անդամներին` նախարարը նշել է, որ զինծառայողների բնակարանային պայմանների բարելավումը մշտապես գտնվում է հանրապետության ղեկավարության ուշադրության կենտրոնում, և ամեն ինչ արվում է, որպեսզի զինծառայողները, իրենց թիկունքում զգալով պետական հոգածությունը և զերծ լինելով կենցաղային խնդիրներից, բարեխղճորեն կատարեն ծառայողական պարտականությունները:
Բացման արարողությունից հետո պաշտպանության նախարարը շրջել է բնակարաններով: Ծանոթանալով կատարված շինարարական աշխատանքներին` Սեյրան Օհանյանը գոհունակությամբ արձանագրել է, որ ստեղծված պայմանները լիովին համապատասխանում են շինարարական արդի չափանիշներին: