"Փասիանի որսորդը" ֆիլմի հանրային ցուցադրությունը` հոկտեմբերի 4-ին

Հոկտեմբերի 4-ին «Մոսկվա» կինոթատրոնում «Պարալլելս ֆիլմ» անկախ կինոընկերությունը կներկայացնի կինոռեժիսոր Մարինե Զաքարյանի «Փասիանի որսորդը» ֆիլմի հանրային ցուցադրությունը:

Լրագրողների հետ զրույցում «Պարալլելս ֆիլմ» կինոընկերության հիմնադիր-տնօրեն Հովհաննես Գալստյանը նշեց, որ ֆիլմը երգիծական կարճամետրաժ դրամա է:

«Ֆիլմը նկահարանվել է Վիլյամ Սարոյանի պատմվածքների հիման վրա եւ ներկայացնում է «Կիսալուսնի ծովածոցը» լիամետրաժ խաղարկային ֆիլմի մեկ հատվածը /«Աշուն»/: Ֆիլմը տիպիկ փոքր բյուջե ունեցող արտադրություն է, եւ միջոցներն այնքան սահմանափակ էին, որ ստիպում են գտնել գեղարվեստական լուծումներ, որոնք հրաշալիորեն ներկայացված են ֆիլմում ռեժիսորի ու օպերատորի շնորհիվ»,- ասաց Գալստյանը:

Մարինե Զաքարյանն, իր հերթին, նշեց, թե ուրախ է, որ կինոաշխարհ է մտնում հենց Սարոյանի գործերի շնորհիվ. «Սարոյանն ինձ համար յուրահատուկ տեղ է գրավում հայ գրականության մեջ»:

Մանրամասները` տեսանյութում: