Չեխիայի հավաքականի գլխավոր մարզիչը հրաժարական է տվել

Մեր հավաքականի նախորդ մրցակից Չեխիայի ազգային ընտրանու գլխավոր մարզիչը հրաժարական է տվել, այն բանից հետո, երբ իր թիմը պարտվել է Իտալիայի ազգային ընտրանուն: Նա չի կատարել իր առջև դրված առաջադրանքը` հավաքականին դուրս բերել 2014 աշխարհի առաջնություն:

«Մենք ցանկանում էինք խաղալ աշխարհի առաջնությունում, բայց դա չի լինի: Ես շատ հիասթափված եմ: Իմ ճանապարհորդությունը մոտեցավ ավարտին: Իրագործեցի առաքելությունս, սակայն  չհասանք մեր նպատակին: Հրաժարականի դիմում եմ ներկայացրել»,- ասել է 48-ամյա մասնագետը:

Աշխարհի 2014թ. ընտրական փուլում Չեխիայի ընտրանին երկու անգամ անընդմեջ պարտվեց` Հայաստանի և Իտալիայի հավաքականներին` կորցնելով բոլոր շանսերը: