ՀՀԿ-ն դարձյալ հաղթում է

Կոտայքի մարզի Պռոշյան համայնքում ավարտվել են համայնքի ղեկավարի ընտրությունները:

Քվեարկելու իրավունք ունեցող 3991 ընտրողից ընտրություններին մասնակցել է 2799-ը: Քվեարկության արդյունքներով` թեկնածուներին տրված ձայները բաշխվել են հետեւյալ կերպ. Արթուր Մուրադյանի օգտին գրանցվել է 1317 քվե, Վովա Սահակյանի օգտին` 1250 քվե, Ալեքսան Ալեքսանյանի օգտին` 178 քվե: Անվավեր է ճանաչվել 61 քվեաթերթիկ:

Ընտրությունների նախնական արդյունքներով` հաղթում է ՀՀԿ թեկնածու Արթուր Մուրադյանը` մոտավորապես 67 ձայնի տարբերությամբ:

Պռոշյանում գործել է ընտրական երկու տեղամաս: Ընտրություներն ընթացել են առանց արտառոց դեպքերի ու միջադեպերի, թեեւ խոսակցություններ կային, որ տեղամասերից դուրս տիրում է վախի մթնոլորտ, բաժանվում է ընտրակաշառք եւ այլն: