Քաթարի էմիրը պատրաստվում է իշխանությունը հանձնել իր որդուն

Քաթարի էմիր շեյխ Համադ բեն Խալիֆա ալ Թանին մտադիր է գահն ու իշխանությունը հանձնել 33-ամյա որդուն` ժառանգորդ արքայազն շեյխ Թամիմ բեն Համադ ալ Թանիին. տեղեկացնում է Al Jazeera-ն: Չի բացառվում, որ արքայական իշխանության փոխանցումը կատարվի այսօր` էմիրի` ընտանիքի անդամների եւ քաղաքական գործիչների հետ հանդիպման ժամանակ:

Էմիրի հետ միաժամանակ  հանգստի կանցնի ներկայիս վարչապետ եւ արտգործնախարար շեյխ Համադ բեն Ջասեմ Ալ Թանին:

Իշխանության «քաղաքակիրթ» փոխանցումը բնորոշ չէ Պարսից ծոցի միապետություններին եւ, ընդհանրապես, արաբական երկրներին: Որպես կանոն` արաբ թագավորներն ու էմիրները գահին են բազմում կա'մ նախորդի մահից հետո, կա'մ պալատական հետղաշրջման հետեւանքով: