Սիրունացրել ա քաղաքը. քաղաքապետի ամենամեծ գործը` ըստ Սեդրակ Սարոյանի

Երեւանի քաղաքապետ Տարոն Մարգարյանի երդման արարողության ժամանակ,  երբ Yerkir.am-ի թղթակիցը գեներալ-պատգամավոր Սեյրան Սարոյանից հետաքրքրվեց, թե ինքն է՞լ է կարծում, որ Տարոն Մարգարյանը Երեւանի վերջին 20 տարվա լավագույն քաղաքապետն է, պատգամավորը վրա բերեց. «Չեք տենո՞ւմ քաղաքը ինչ սիրուն ա»: Տարոն Մարգարյանի ամենամեծ գործը, ըստ Սարոյանի, հենց դա է, որ նա «սիրունացրել ա քաղաքը»:

«Ամեն օր մեր Երեւանն անկրկնելի է դառնում»,- հայտարարեց նա: Երբ պատգամավորը տեղեկացավ, որ այլ կարծիքի ենք, վրդովված հայտարարեց. «Ուրեմն` աչքերդ փակած ես ման գալիս, աչքերդ որ բացես, կտենաս, որ քաղաքը շատ սիրուն ա: Տարոնի աշխատանքը երեւաց իրա սիրունությամբ` կանաչապատումն ա, ծաղիկներն ա, քաղաքի ասֆալտապատումն ա»:

Գեներալ-պատգամավորը չհամաձայնեց մեր այն դիտարկմանը, որ քաղաքում շատ լուրջ խնդիր կա` տրանսպորտի անմխիթար վիճակը: «Ի՞նչ վատ ա տրանսպորտը: Թազա ավտոբուսները բերել են, չե՞ս տեսել, նստի ման արի, կտենաս, տաքսով ման մի արի»,-հայտարարեց Սարոյանը: