Ամեն ինչ քո եւ Աստծո միջեւ է

Խաղաղության Նոբելյան մրցանակի դափնեկիր, Կաթոլիկ եկեղեցու երանելի մայր Թերեզայի մտքերից

Մարդիկ հաճախ անմիտ են, անտրամաբանական եւ եսասեր: Չնայած դրան` ներեք նրանց:

Եթե դուք բարի եք` մարդիկ կարող են ձեզ մեղադրել եսասիրական մտադրությունների մեջ: Չնայած դրան` բարի եղեք:

Եթե դուք հաջողակ եք, շատ իրական, նաեւ կեղծ ընկերներ կունենաք: Չնայած դրան` հաջողակ եղեք:

Եթե ազնիվ եք ու շիտակ` մարդիկ կարող են ձեզ խաբել: Չնայած դրան` եղեք ազնիվ ու շիտակ:

Այն, ինչ կառուցել եք տարիներ շարունակ, կարող է մեկ գիշերվա մեջ փլուզվել: Չնայած դրան` կառուցեք:

Եթե հասնեք հանդարտության ու երջանկության, մարդիկ կարող են նախանձել: Չնայած դրան` երջանիկ եղեք:

Այն լավը, որ արել եք այսօր, մարդիկ հաճախ հաջորդ օրն իսկ մոռանում են: Չնայած դրան` բարին գործեք:

Նվիրաբերեք աշխարհին ամենալավը, որ ունեք, թեեւ դա հաճախ բավարար չի լինում: Չնայած դրան` նվիրաբերեք:

Եթե դատապարտում եք ինչ-որ մեկին, ժամանակ չեք ունենա սիրել նրան: Սիրեք` անկախ ամեն ինչից:

Ի վերջո, այն ամենը, ինչ անում ես, հարկավոր է ոչ թե մարդկանց, այլ քեզ ու Աստծուն: Վերջիվերջո, կհամոզվես, որ ամեն ինչ քո եւ Աստծո միջեւ է: