Բոստոնի ահաբեկիչներից մեկը Բեն Աֆլեկի դասընկերն է եղել

Ջոհար Ցարանեւը, որին կասկածում են Բոստոնյան մարաթոնի ժամանակ ահաբեկչություն իրականացնելու մեջ, հնարավոր է սովորել է նույն դպրոցում, ինչ Բեն Աֆլեկը եւ Մեթ Դեյմոնը: Այդ մասին այսօր պատմել է  բրտանական The Times թերթը: Պարզվել է, որ 2011-ին Ցարնաեւը 2,5 հազար դոլարի դպրոցական դրամաշնորհ է ստացել, որը հնարավորություն է տվել նրան սովորել Մասաչուսեթսի նահանգում:

Ահաբեկչությունների կազմակերպման մեջ կասկածում են Ցարնաեւ եղբյարներին` 26-ամյա Թամերլանին եւ 19-ամյա Ջոհարին: Սոցիալական ցանցերում արդեն տեղեկություններ կան, որ նրանք բնակվել են Թուրքիայում, հետո` տեղափոխվել ԱՄՆ: Այլ վարկածներով` պատանիները որոշ ժամանակ սովորել եւ ապրել են Մախաչկալայում, իսկ Մասաչուսեթս տեղափոխվել են մեկ տարի առաջ:

Իսկ բրիտանական Sky News-ը վարկած է բարձրաձայնել, թե եղբայրները պատրաստություն են անցել Աֆղանստանում կամ Իրաքում: Ի դեպ, լրագրողները դեռեւս միասնական եզրակացության չեն հանգել` նրանք հատո՞ւկ էին ուղարկվել ԱՄՆ` ահաբեկչություններ իրականացնելու, թե՞ ոչ:

Ջոհար Ցարնաեւը դեռեւս փախուստի մեջ է: Ոստիկանությունը խուզարկում է Բոստոնի տներն ու արվարձանները: Նրա եղբայրը ավելի վաղ սպանվել է ոստիկանների կողմից: