Պակիստանի դատարանը Մուշարաֆին ձերբակալելու հրաման է տվել

Պակիստանի դատարանը նախկին նախագահ Փերվեզ Մուշարաֆին ձերբակալելու հրաման է տվել. հայտնում է Лента.ру-ն:

Մուշարաֆը 2008-ին նախագահի պաշտոնը լքելուց հետո առաջին անգամ մարտի 24-ին էր ժամանել Կարաչի` ընդհանուր ընտրություններին մասնակցելու նպատակով: Հայրենիքում նա մեղադրվում է պաշտոնավարման օրոք սահմանադրության խախտման և դատավորների անօրինական ձերբակալման մեջ: Մուշարաֆը մեղադրվում է նաև 2007 թ. նախկին վարչապետ Բենազիր Բհուտոյի սպանության մեջ:

Չնայած Իսլամաբադի դատարանի որոշմանը`ոստիկանությանը չի հաջողվել ձերբակալել Մուշարաֆին, ով ներկա էր դատական նիստին: Նախկին նախագահի պահակազորը նրան տարել է դատարանի դահլիճից: Այժմ ոստիկանությունը փորձում է պարզել Մուշարաֆի գտնվելու վայրը: