Րաֆֆի Հովհաննիսյանի քայլերում տրամաբանական հաջորդականություն չի տեսել

ԱԺ ՀԱԿ խմբակցության պատգամավոր Գագիկ Ջհանգիրյանն այսօր ԱԺ ավանդական ճեպազրույցում բացատրեց, թե ինչու չի մասնակցել ապրիլի 9-ին Ազատության հրապարակում տեղի ունեցող իրադարձություններին: Իսկ ՀԱԿ պատգամավորի պատճառաբանությունն այն է, որ «Ժառանգության» եւ հատկապես` նրա ղեկավարի գործողություններում չի տեսել տրամաբանական քայլերի հաջորդականություն:

Գագիկ Ջհանգիրյանը լրագրողների խնդրանքով անդրադարձավ նաեւ այդ օրը ոստիկանների գործողություններին: Նա նշեց, որ եթե համեմատելու լինենք ՀԱԿ-ի կազմակերպած միջոցառումների հետ` 2010-2011թթ., նմանատիպ միջադեպեր միշտ էլ գրացվում են: Ջհանգիրյանը ոստիկանության` այդ օրվա գործողությունները իրավաչափ չգնահատեց, բայց արտառոց ոչինչ էլ չի տեսնում: