ՏԵՍԱՆՅՈՒԹ․ Կանարյան Կղզիներում մեր հայրենակցի՝ տենոր Դավիթ Հովհաննիսյանի, նոր ձայնասկավառակն է լույս տեսել

Լույս տեսել Կանարյան Կղզիներում մեր հայրենակցի՝ տենոր Դավիթ Հովհաննիսյանի, նոր ձայնասկավառակը։

Դավիթ Հովհաննիսյանը ապրում է Կանարյան Կղզիների Տեներիֆե կղզում։

«Ձայնասկավառակում իսպանական, իտալական երգերի հավաքածու է՝ իմ մեկնաբանությամբ։ Երգերը հնչել են տարբեր թատրոնների և համերգասրահների բեմերից (Իսպանիա, Իտալիա, Հայաստան), նվագախմբերի և այլ երաժշտական խմբեր հետ»,- Yerkir.am-ին փոխանցեց Դավիթ Հովհաննիսյանը։

Նա ասաց, որ երգերը գործիքավորվել են ինչպես հայ՝ Խաչիկ Սահակյան, այնպես էլ իսպանացի ու իտալացի՝ Ռուիման մարտին Լեոն, Մարիո Լիտտի, երաժիշտների կողմից։

Ձայնասկավառակում կա նաև 2 երգ Երևանի մասին, որոնց հեղինակը Քրիստ Մանարյանն է և գրվել են հատուկ իր համար՝ իր պատվերով։

3 բոնուս երգ Հայաստանի պետական ֆիլհարմոնիկ նվագախմբի հետ համերգի ձայնագրությունից է։

Դավիթ Հովհաննիսյանը սովորել է Տեներիֆեի Կոնսերվատորիայում (սոպրանո՝ Կարմեն Ակոստայի դասարան)։

Շուրջ 2 տարի անհատական դասեր է առել Հռոմում՝ մեցցո-սոպրանո Ռենատա Լամանդայի մոտ։

Համագործակցում է Իսպանական և Իտալական թատրոնների հետ, հանդես է գալիս համերգային ծրագրերով՝ այդ թվում բարեգործական։ Ունի 9 տարվա փորձ երաժշտական աշխարհում։

Դավիթ Հովհաննիսյանը «Յունիոն Արտիստիկա Էլ Կաբո» մեծ երգչախմբի մեներգիչն է։

Նոր ձայնասկավառակը չորրորդն է, իբրև օֆիցիալ վաճառքի՝ առաջին ձայնասկավառակն է, որը հրատարակվում է Rock CD համաշխարհային լեյբլի հետ համագործակցությամբ։

Կից ներկայացնում ենք Դավիթ Հովհաննիսյանի տեսահոլովակներից մեկը։