Մերկելի կուսակցությունը՝ կոռուպցիոն սկանդալի կենտրոնում

Գերմանիայի «Քրիստոնեադեմոկրատական» կուսակցությունը, որի ղեկավարն է երկրի կանցլեր Անգելա Մերկելը, հայտնվել է կոռուպցիոն սկանդալի կենտրոնում. հայտնում է РИА Новости-ն:

Դա տեղի է ունեցել այն բանից հետո, երբ կուսակցությունը, որպես նվիրատվություն, 690 հազար եվրո է ստացել BMW-ի բաժնետոմսերի մեծ մասի սեփականատեր Քվանդթ ընտանիքից: Նվիրատվությունը կատարվել է սեպտեմբերի 22-ին` Բունդեսթագի ընտրություններից հետո, որոնք շատ հաջող էին Մերկելի կուսակցության համար:

Այժմ Մերկելի հակառակորդները նրան կոռուպցիայի մեջ են մեղադրում` պնդելով, որ  BMW-ից ստացված միջոցները, հնարավոր է,  ազդում են կառավարության լոյալության վրա: