Այս պահին Երևանում sett-weather
Փոխարժեքներ 07 10 2024
USD ⚊ $ 386.93
EUR ⚊ € 424.27
RUB ⚊ ₽ 4.02
GBP ⚊ £ 505.41
GEL ⚊ ₾ 141.01
կարևոր
0 դիտում, 11 տարի առաջ - 2013-03-16 16:03
Քաղաքական

Րաֆֆի Հովհաննիսյանը հրաժարվել է բժշկական քննությունից

Րաֆֆի Հովհաննիսյանը հրաժարվել է բժշկական քննությունից

Պատասխանելով լրատվամիջոցների հարցին, թե ինչու ՀՀ առողջապահության նախարարությունն անհրաժեշտ վերաբերմունք չի ցուցաբերում հացադուլի մեջ գտնվող Րաֆֆի Հովհաննիսյանի նկատմամբ, ՀՀ առողջապահության նախարարությունը հայտնում է, որ հացադուլի առաջին իսկ օրվանից բժիշկներն օրը երկու անգամ մոտենում են «Ժառանգություն» կուսակցության ղեկավարին. առավոտյան` թիվ 4 պոլիկլինիկայի (որտեղ պարոն Հովհաննիսյանը հաշվառված է) բժիշկները, իսկ երեկոյան ժամերին` հերթապահող շտապօգնության բրիգադի մասնագետները։

 

Մինչ այժմ Րաֆֆի Հովհաննիսյանը հրաժարվել է որևէ քննության ենթարկվելուց, անգամ` զարկերակային ճնշման չափման ամենապարզ  հետազոտությունից։ Նա պատճառաբանում է, որ իրեն լավ է զգում և անհրաժեշտության դեպքում ինքը կհրավիրի բժիշկներին։

 

 

ՀՀ առողջապահության նախարարությունը հորդորում է Րաֆֆի Հովհաննիսյանին դադարեցնել հացադուլը, քանի որ այն հետագայում կարող է լուրջ հետևանքներ թողնել նրա առողջության վրա։

 

 

Միաժամանակ հայտնում ենք, որ նա շարունակ գտնվելու է մասնագետների ուշադրության կենտրոնում և անհրաժեշտության դեպքում կցուցաբերվի մասնագիտական օգնություն։
բաժանորդագրվել
Նմանատիպ նյութեր
Կայքի հին տարբերակը

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը