Մոսկվայում Դեդ Հասանի հակառակորդ ''օրենքով գող'' է ձերբակալվել

Մոսկվայի դատարանի որոշմամբ` թմրանյութերի գործով ձերբակալվել է քրեական հեղինակություն` «օրենքով գող» Լաշա Նիժարաձեն` Լաշա Ցխալտուբսկին, ով հունվարին սպանված Ասլան Ուսոյանի` Դեդ Հասանի կլանի հակառակորդներից է. տեղեկացնում է Интерфакс-ը:

Ձերբակալվածի մոտ հայտնաբերվել է 17 գ հաշիշ եւ հարուցվել է քրեական գործ:

Ի դեպ, Սարատովի դատարաններից մեկի որոշմամբ` Նիժարաձեն գտնվել է վարչական հսկողության տակ` 1,5 տարի ժամկետով, նրան արգելվել է տեղաշարժվել գիշերը, հեռանալ բնակության վայրից` մերձմոսկովյան Դմիտրովից: Սակայն հանցագործը բազմիցս խախտել է այդ հաստատված ռեժիմը` տեղաշարժվելով ՌԴ տարածքով, անգամ` հեռանալով երկրից: Ոստիկանները չեն բացառում, որ նա մասնակցել է ԱՄԷ-ում անցկացված մեծ գողական հավաքին, որի ընթացքում 16 մարդ է «թագադրվել»: