Իտալիայում ընտրությունները շարունակվում են

Իտալացիները մասնացում են երկրի խորհրդարանական ընտրություններին. հայտնում է Euronews-ը: Խորհրդարանում մեծամասնություն կազմելու մեծ հնարավորություններ ունեն Պիեր Լուիջի Բերսանիի ձախակենտրոն Դեմոկրատական կուսակցությունը եւ նախկին վարչապետ Սիլվիո Բեռլուսկոնիի գլխավորած «Ազատության ժողովուրդ» կուսակցությունը: Բերսանին արդեն հայտարարել է, որ անգամ ընտրություններում ամենաշատ ձայները հավաքելուց հետո իր կուսակցությունը պատրաստ է դաշինք ձեւավորել` երկիրը ֆինանսական ճգնաժամից դուրս բերելու համար:

Իտալիայի խորհրդարանը ունի երկու պալատ` Պատգամավորների պալատը, որը բաղկացած է 630 պատգամավորներից, եւ Սենատը, որը ունի 315 սենատոր: