Արամ Հարությունյանը Րաֆֆի Հովհաննիսյանի հայտարարությունն անլուրջ է համարում

«Ժառանգություն» կուսակցության առաջնորդ Րաֆֆի Հովհաննիսյանը երեկ Ազատության հրապարակում հայտարարեց, որ պետք է Սերժ Սարգսյանը գա և ներողություն խնդրի ժողովրդից, սակայն այդպես էլ ընտրությունների նախնական արդյունքներով ընտրված նախագահը չժամանեց:

Րաֆֆի Հովհաննիսյանի այս հայտարարությունը նախագահի նախկին թեկնածու Արամ Հարությունյանը լուրջ չի համարում:

Yerkir.am-ի հետ զրույցում նա նշեց, որ ի սկզբանե անօրինական ընտրություններին չմասնակցելուց հետո չի պատրաստվում ինչ-որ պայքարի միանալ, քանի որ նման ընտրություններից անհնար է օրինականություն պահանջել:

Անդրադառնալով նախատեսվող հանրահավաքներին` նա ասաց, որ պետք չէ ժողովրդին ևս մեկ անգամ հուսախաբ անել: «Ժողովրդին մի քանի օր պահել հրապարակում, հետո ասել` չստացվեց, մանավանդ` երբ դու քեզնից կախվածը չես անում, անընդունելի է»,- ընդգծեց Արամ Հարությունյանը: