Իսկ Սարգսյանը շարունակում է շնորհավորանքներ ստանալ

Մինչ Րաֆֆի Հովհաննիսյանը Ազատության հրապարակում հանրահավաք է անում ընդդեմ կեղծ ընտրությունների, ՀՀ գործող նախագահ Սերժ Սարգսյանը վերընտրվելու առիթով շարունակում է շնորհավորանքներ ստանալ օտարերկրյա պետությունների ղեկավարներից, միջազգային կազմակերպությունների, պետական և հասարակական հատվածի ներկայացուցիչներից, անհատ քաղաքացիներից:

President.am-ից տեղեկացնում են, որ Սերժ Սարգսյանին շնորհավորական ուղերձ է հղել Չինաստանի Ժողովրդական Հանրապետության նախագահ Հու Ձինթաոն, Ղազախստանի նախագահ Նուրսուլթան Նազարբաևը, Բելառուսի նախագահ Ալեքսանդր Լուկաշենկոն:

Հիշեցնենք, որ Սարգսյանին ավելի վաղ շնորհավորել են նաև ԼՂՀ նախագահ Բակո Սահակյանը, ՀՀ երկրորդ նախագահ Ռոբերտ Քոչարյանը, ՌԴ նախագահ Վլադիմիր Պուտինը, Վրաստանի նախագահ Միխեիլ Սահակաշվիլին: