Apple-ը հաքերային հարձակման է ենթարկվել

Apple Inc.-ը երեկ հայտարարել է, որ ընկերության որոշ Mac համակարգիչներ հաքերային հարձակման են ենթարկվել. տեղեկացնում է The Wall Street Journal-ը: Վարակումը տեղի է ունեցել այն ժամանակ, երբ ընկերության աշխատակիցներն այցելել են ծրագրային ապահովում մշակողների կայք, որտեղից էլ վնասակար կոդն անցել է նրանց համակարգիչներ:

Apple-ը հայտարարել է, որ նոր ծրագիր կմշակի Mac-երի օգտատերերին պաշտպանելու համար եւ ներկայումս իշխանությունների հետ փնտրում է վնասակար կոդը ստեղծողներին:

Թերթը գրում է, թե այն, որ Apple-ը հրապարակայնորեն ընդունել է հաքերային հարձակման իրողությունը, անսովոր է ընկերության համար, որը սովորաբար նման միջադեպրի մասին չի բարձրաձայնում: