Մեկնարկել է գործվածքի վերականգնմանը նվիրված սեմինարը

Այսօր Հայաստանի և Ճապոնիայի միջև դիվանագիտական հարաբերությունների հաստատման 20-ամյա հոբելյանի շրջանակներում Հայաստանի պատմության թանգարանում մեկնարկել է գործվածքի վերականգնմանը նվիրված սեմինարը:

Ներկայացվելու է Ճապոնական ավանդական ներկման «Շիբորիձոմե» մեթոդը, իրականացվելու են գործնական աշխատանքներ և վարպետության դասեր՝ դոկտոր Միե Իշիի կողմից: Սեմինարը շարունակվելու է մինչև փետրվարի 22-ը:

Միե Իշիի վարպետության դասերը և սեմինարը նպատակ ունեն մշակութային արժեքների պահպանման բնագավառում ամրապնդել Ճապոնիայի և Հայաստանի միջև կապերը և նպաստել Հայաստանում գործվածքի պահպանման գործընթացի հետագա զարգացմանն ու ամրապնդմանը: Համատեղ համագործակցության արդյունքում «Հայաստանի պատմության թանգարանի հնագիտական բրոնզե առարկաների վերականգնման» թեմայով 4 սեմինար և 3 միջազգային գիտաժողով է տեղի ունեցել: