Ադրբեջանի ընդդիմությունը որոշել է բոյկոտել նախագահական ընտրությունները

Ադրբեջանի ընդդիմադիր կուսակցությունները որոշել են չմասնակցել նախագահական ընտրություններին. հայտնում է АПА-ն:

Այսպես` ընդդիմադիր Ազգային խորհուրդը որոշում է կայացրել բոյկոտել ապրիլի 11-ին կայանալիք արտահերթ նախագահական ընտրությունները: Այդ մասին իր ֆեյսբուքյան էջում հայտնել է կազմակերպության ղեկավար Ջամիլ Հասանլըն:

Ադրբեջանի Ազգային ճակատի կուսակցության ղեկավար Ալի Քերիմլին նույնպես հայտարարել է, որ ընդդիմությունը հրաժարվում է մասնակցել ընտրություններին և կոչ  արել ակցիաներ կազմակերպել սպասվող ընտրությունները բոյկոտելու կոչով:

REAL ազգային շարժումը հայտարարությամբ է հանդես եկել և ասել, որ չի ճանաչի ընտրությունների արդյունքները` առանց դրանցում իրենց առաջնորդ Իլգար Մամեդովի մասնակցության:

«Մուսավաթ» կուսակցությունը դեռ պետք է որոշում կայացնի ընտրություններին մասնակցելու վերաբերյալ: