Բիբերի նախկին թիկնապահը դատի է տվել երգչին

Ջասթին Բիբերի նախկին թիկնապահը դատի է տվել երգչին. հայտնում է Associated Press-ը: Թիկնապահը նրան մեղադրում է իրեն հարվածելու և վիրավորելու մեջ:

Նախկին թիկնապահ Մոյշե Բենաբուն վստահեցնում է, որ վեճը տեղի է ունեցել այն պատճառով, որ Բիբերին դուր չի եկել, թե ինչպես է ինքը վարվել նրա ընկերոջ հետ։ Երիտասարդ երգիչը վիրավորել է թիկնապահին, այնուհետև մի քանի անգամ հարվածել նրա կրծքին։

Բենաբուի պահանջած փոխհատուցման գումարը չի նշվում։ Սակայն հայտնի է, որ, բացի այդ ամենից, նախկին թիկնապահը պահանջել է երգչից իրեն վճարել 420 հազար դոլար արտաժամյա աշխատանքի համար, որը այդպես էլ չի ստացել։

Երգիչն այդ կապակցությամբ որևէ մեկնաբանություն չի տվել: