Կան սկզբունքներ, որոնք չեն փոխվում. Հրանտ Բագրատյան

Հրանտ Բագրատյանը Լեւոն Տեր-Պետրոսյանի հետ հիանալի հարաբերությունների մեջ է եւ կարծում է, որ իրենք երբեք «իրար ճանապարհ խաչաձեւելու հարց, խնդիր չենք ունենա»: Այս մասին Բագրատյանը հայտարարեց «Ազատություն» կուսակցության համագումարում:

Նա ընդգծեց, որ իր առաջադրման հարցն առաջ է եկել դեռ երեք-չորս ամիս առաջ, բայց այդ մասին չեն բարձրաձայնել: Բագրատյանը հայտարարեց, որ իր առաջադրման մեջ կա նաեւ ամեն ինչ արագացնելու, որոշակի դարձնելու պահանջ: Նա ընդգծեց, որ թեեւ Տեր-Պետրոսյանի հետ նորմալ հարաբերությունների մեջ է, բայց մյուս կողմից` կյանքն առաջ է գնում, եւ նոր իրողություններ կան:

«Իմ առաջադրման հիմնական նպատակըն այն է, որ, ի տարբերություն հինգ տարի առաջվա համաժողովրդական շարժման, որը իշխանափոխության շարժում էր, վերջապես մենք փորձենք գտնել գաղափարակից մարդկանց, ազատական, լիբերել արժեքների, հրապարակային քաղաքականության կողմնակիցների»,- հայտարարեց Բագրատյանը եւ շնորհակալություն հայտնեց, որ համագումարին  ներկա են այդ արժեքներին հավատարիմ Արամ Սարգսյանը, Վաղարշակ Հարությունյանը, Սասուն Միքայելյանը, Երջանիկ Աբգարյանը, Լյուդմիլա Սարգսյանը:

«Մենք նպատակ ունենք, եւ ես ամեն ինչ անելու եմ, որ լիբերալ արժեքների կորիզ ձեւավորվի: Կան պրինցիպներ, որոնք չեն փոխվում: Որեւէ ամբիցիա չունեմ, ես իշխանության չեն ձգտում»,- հայտարարեց Բագրատյանը: