Որոնք են նոյեմբեր ամսվա լավագույն վարչական շրջանները

Երևանի քաղաքապետարանում տեղի ունեցած խորհրդակցության ժամանակ, որը վարել է քաղաքապետ Տարոն Մարգարյանը, ամփոփվել են մայրաքաղաքի վարչական շրջանների նոյեմբեր ամսվա ընթացքում կատարած աշխատանքների գնահատման և վերլուծության արդյունքները. այս մասին տեղեկացնում է քաղաքապետարանի մամլո ծառայությունը:

Ըստ այդմ, բարձր ցուցանիշներ են գրանցել Դավթաշեն, Ավան, Արաբկիր և Մալաթիա-Սեբաստիա վարչական շրջանները: Համեմատաբար ցածր ցուցանիշներ են արձանագրվել Նորք-Մարաշ և Նուբարաշեն վարչական շրջաններում:

Վերջում քաղաքապետը նաև հանձնարարել է մինչև տարեվերջ նախնական ամփոփել վարչական շրջանների կողմից այս տարի կատարած աշխատանքների արդյունքները, որի համաձայն, լավագույն ցուցանիշներ գրանցած վարչական շրջանների աշխատակազմերը կարժանանան հերթական խրախուսանքին: