902 միլիոն դրամ` նոյեմբեր ամսվա քամիների հասցրած վնասը փոխհատուցելու համար

Այսօր կառավարության նիստում ՏԿԱԻ նախարար Արմեն երիցյանը ներկայացրեց որոշման նախագիծ, ըստ որի` կառավարության պահուստային ֆոնդից հատկացվում է 902 միլիոն դրամ` 2015թ. նոյեմբերին ուժեղ քամիների հետևանքով համայնքներում ավերածությունների վնասները փոխհատուցելու համար:

Նախարարը նշեց, որ մարզպետերը հանձնարարություն են ստացել վերջնականապես հստակեցնել վնասների չափը: Նա 3 օր խնդրեց` վերջնական զեկուցելու համար:

Վարչապետը հավելեց, որ նախագահի հետ քննարկել են այդ հարցը և որոշել աջակցել, բայց իրենց անհրաժեշտ են օբյեկտիվ և ճիշտ թվեր` վնասների մասին:

«Կճշտվի վնասի չափը, համոզված եմ, որ առաջարկվող գումարը ավել է գրված, քան վնասի չափն է»,- ասաց վարչապետը: