Աշխարհում շատացել են հիվանդ մարդիկ

Մարդը սովորել է պայքարել մի շարք մահացու վարակների դեմ, ինչի արդյունքում` մենք ապրում ենք երկար, սակայն հիվանդանում ավելի շատ. այս մասին, ըստ Reuters-ի, գրված է Վաշինգտոնի համալսարանի առողջության ցուցանիշը հետազոտող կենտրոնի զեկույցում: 

Ըստ զեկույցի` աշխարհում շատացել են հիվանդ մարդիկ: Եվ եթե առաջ մարդիկ մահանում էին սովից, ապա հիմա պատկերն այլ է: 2010 թ., օրինակ, աշխարհում ավելի քան 3 միլիոն մարդ է մահացել ավելորդ քաշի հետևանքով: Քիչ չեն նաև ալկոհոլի և ծխախոտի չարաշահումներից մահացածները:

Սակայն ամերիկացի փորձագետները նշում են, որ մահն այդքան էլ ահավոր չէ, այն բանի հետ համեմատած, որ աշխարհում գրեթե անհնար է գտնել լիարժեք առողջ մարդու: