Սնկից թունավորումները շատացել են

Ամառն առանց սնկային թունավորման չի անցնում Վանաձորում: Այս տարի արդեն թունավորման տասը դեպք է գրանցվել քաղաքում: Դեպքերը հաճախակի են դարձել հատկապես վերջին մի քանի օրերի ընթացքում:  Միայն հուլիսի 29-31-ը Վանաձորի թիվ մեկ հիվանդանոցային համալիր է տեղափոխվել սնկային թունավորումով 7 մարդ, նրանք համապատասխան բուժօգնություն ստանալուց հետո դուրս են գրվել: Բարեբախտաբար ծանր դեպքեր այս տարի մարզում չեն գրանցվել:: Պետական հիգիենիկ հակահամաճարակային տեսչության Լոռու մարզային կենտրոնում վստահեցնում են, որ սնկի վաճառքը քաղաքում խստորեն վերահսկվում է, սակայն անհնար է  կանխել առանց կանոնների պահպանման իրականացվող վաճառքը: Վաճառողներն էլ ծանր են տանում այն հարցը, թե ինչու են սունկ վաճառում, օրինակ մայթին, արևի տակ, կամ էլ խանութի շեմին` աղբարկղի մոտ: Պետական հիգիենիկ հակահամաճարակային տեսչության Լոռու մարզային կենտրոնի պետն ասում է, որ թունավորված բոլոր մարդիկ օգտագործած են եղել իրենց հավաքած սունկը:  Շուկայից կամ փողոցից գնած սնկից թունավորման դեպք չի գրանցվել: շուկայի սունկը լաբորատորիայում փորձաքննության է ենթարկվում, նաև վերահսկվում է սննդի անվտանգության տեսչության կողմից:

Աննա Պեչենևսկայա