Ադրբեջանը հրադադարը խախտել է 1350 անգամ

Հայկական եւ ադրբեջանական զինված ուժերի շփման գծում այս տարվա հոկտեմբեր ամսվա ընթացքում Ադրբեջանը հրադադարի ռեժիմը խախտել է ավելի քան 1350 անգամ:

ԼՂՀ պաշտպանության բանակի մամուլի ծառայությունից տեղեկացնում են, որ հրադադարի խախտումների ժամանակ ադրբեջանական կողմը կրակել է տարբեր զինատեսակներից, այդ թվում` դիպուկահար զինատեսակներից ավելի քան 250 անգամ: 

Հայկական զինված ուժերը խստորեն պահպանում են հրադադարի ռեժիմը եւ պատասխան գործողությունների են դիմում ծայրահեղ անհրաժեշտության դեպքում: Հայկական զինված ուժերը լիովին վերահսկում են իրավիճակը հակառակորդի հետ շփման գծում:

Իսկ Հայաստանի սահմանին գրանցվել է Ադրբեջանի կողմից հրադադարի խախտման ավելի քան 200 դեպք: