Արշակ Սադոյանն էլ է աթոռ ուզում

Մի քանի աթոռի համար աթոռակռիվ են տալիս. լրագրողների հետ հանդիպման ժամանակ ներկայիս իրավիճակն այսպես գնահատեց Արշակ Սադոյանը: Նա վստահեցրեց, որ Լեւոն Տեր-Պետրոսյանն էլ է հասկանում, որ ոչ ոք իրեն նախագահի աթոռ չի տա, իսկ ՀԱԿ-ի ներկայիս բոլոր գործընթացները միտված են խորհրդարանում 10-12 տեղ ձեռք բերելուն:

Ըստ Սադոյանի` նման պայմաններում է, որ ժողովրդին հեշտությամբ միամտացնում են: Նա ցավով է նշում, որ այսօր բոլորի թեման այն է, թե ով ում բարեկամն է, ով ում դեմ ելավ, ով ում դեմ դավադրություն կազմակերպեց, իսկ գաղափարախոսական ընդհանրությունները հետին պլան են մղվում:

«Երկիր»-ի հարցին ի պատասխան, թե իրեն տեսնո՞ւմ է ԱԺ-ում, Սադոյանը, ի վերջո, պատասխանեց, որ նոր խորհրդարանում ինքն էլ է աթոռ ուզում: