Աթոռ առ աթոռ գրավելու են սորոսն ու ապազգայինները. հանրային կարծիք՝ ՀՖՖ նոր նախագահի մասին

Զաքար Խոջաբաղյանն, ըստ Yerkir.am-ի, իր ֆեյսբուքյան էջում, անդրադառնալով ՀՖՖ նոր նախագահ Արմեն Մելիքբեկյանի նախկինում ծավալած գործունեությանը, գրում է. 

«Կարծում եմ՝ ՀՖՖ նոր ղեկավարին պատկանող էս կայքին ավելի շատ գրանտ կսկսեն տալ։

«Բարով վայելեք»։

Այ՝ երբ վերջին աթոռն էլ իրենցով կանեն, նոր կարելի է քանդել էդ բաբելոնյան նոր աշտարակը՝ դրանց թողնելով փլատակների տակ։ Իսկ հիմա՝ թող ճարտարապետների ու բանվորների ողջ թիմը մեկտեղվի։»

Զաքար Խոջաբաղյանը գրառման տակ մեջբերել է նաև ս/թ մարտի 23-ի իր գրառումը, որտեղ մանրակրկիտ ձևով ներկայացնում է ՀՖՖ նորընտիր նախագահին պատկանող «epress.am» կայքի բնույթը, ֆինանսավորման աղբյուրներն, ինչպես նաև գաղափարական ուղղվածությունը:

Խոջաբաղյանը գրառմանը կից ներկայացրել է նաև թեմային առնչվող մի շարք լուսանկարներ:

Գրառումն ամբողջությամբ ներկայացնում ենք ստորև.

«epress կայքը հերթական «լուրն» էր հրապարակել՝ ինչպես պարբերաբար անում է՝ թիրախավորելով բանակը... Ակնհայտ մանիպուլյատիվ վերնագրերը, թշնամական ենթատեքստ պարունակող ձևակերպումները, որոնք թիրախ են դարձնում բանակը, եկեղեցին, ընտանիքը, Արցախը, իսկ էս վերջերս նաև Հայաստանի հարավային դարպասը՝ Սյունիք, Մեղրի... վաղուց օրինաչափ երևույթ են այդ կայքում... Էդ էն նույն կայքն է, որը առաջինն է հրապարակել էն Ասյա Խաչատրյանի թեման՝ ձևակերպումներով հարվածելով Արցախին՝ զարգացնելով «Արցախ-Հայաստան» արհեստական կոնֆլիկտը, էդ էն նույն կայքն է, որը առաջինն էր հրապարակել Շուռնուխյան դեպքերը՝ հարվածելով Սյունիքին և արհեստական ու կեղծ լարվածություն հրահրել։ Էդ էն նույն կայքն է, որը լուսաբանում էր բազմազանության երթերը՝ Ոչ Բանակին, Ոչ Պետությանը, Ոչ Ազգին, Ոչ Եկեղեցուն և նմանատիպ լոզունգներով, որոնց առաջամարտիկներից են Լարա Ահարոնյանները և հարակից շրջանակները... Էդ էն նույն կայքն է, որի գործունեությանը հետևելիս տպավորություն է ստեղծվում, որ ֆինանսավորվում է անմիջապես Ադրբեջանից, կայք, որը շաբլոն էր կախել «...Ղարաբաղում չպետք է նախապատվություն տրվի, որևէ էթնիկ խմբին, նրանք անպայմանորեն հավասար իրավունքներ և հնարավորություններ պետք է ունենան...» ձևակերպմամբ... Ու ոչ-ոք չի հարցնում, թե քանի՞ էթնիկ խումբ կա Արցախում, և ինչ խմբերի նկատի ունեն էդ կայքի պատասխանատուները...

Էդ կայքի թիրախ թեմաները իրենք էլ չեն թաքցնում...
Իսկ ամենազավեշտալին, որ մի կողմից ընդգծում են, որ կայքի նյութերն օգտագործելիս հղումը պարտադիր է, մյուս կողմից էլ նշում, թե պատասխանատվություն չեն կրում կայքում արտահայտված բոլոր կարծիքների համար...
Այսինքն, ստացվում է, որ խելքներին փչածը կարող են դուրս տալ ու դրա համար պատասխանատու չեն, բայց բոլոր նյութերի վրա հեղինակային իրավունք ունեն...