Մուբարաքի դատը հետաձգվել է

Եգիպտոսի նախկին նախագահ Հոսնի Մուբարաքի դատավարությունը հետաձգվել է. այն տեղի է ունենալու դեկտեմբերի 28-ին. հաղորդում է Gazeta.ru-ն:

Դրանից երկու օր առաջ վերջնականապես որոշվելու է, թե Մուբարաքի գործը վարող դատավորների գործունեությունը դադարեցվելո՞ւ է, թե՞ ոչ: Հեղափոխության ժամանակ սպանվածների ընտանիքների կարծիքով` դատավորները բավարար ժամանակ չեն հատկացրել Մուբարաքից հետո երկրի իշխանությունը ստանձնած մարշալ Մուհամեդ Հուսեյն Թանթաուին հարցաքննելու համար:

83-ամյա Մուբարաքը եւ նրա որդիները մեղադրվում են հեղափոխության ժամանակ 850 ակտիվիստների սպանության մեջ: Նրանց դեմ դատավարությունը սկսվել է օգոստոսի 3-ին: