Մուբարաքի որդիները վիճել են

Եգիպտոսում տպագրվող «Էլ Աքբար» թերթի տեղեկություններով` ժողովրդի` 18 օր տեւած բողոքի ակցիաներից հետո Շարմ էլ Շեյխի ամառանոց-պալատում փակված Մուբարաքի երկու որդիները վիճել են նրա վերջին ելույթի պատճառով:

Միջադեպը տեղի է ունեցել փետրվարի 10-ին, երբ ամբողջ աշխարհը հրաժարականի էր սպասում,  իսկ Մուբարաքը ելույթ էր ունենում ուղիղ եթերում:

Ըստ շրջանառվող լուրերի` Մուբարաքը պլանավորել էր հենց այդ օրը հրաժարական տալ, սակայն մեծ որդին` Ջեմալը, համոզել էր հորը հայտարարել, որ կպաշտոնավարի մինչեւ սեպտեմբեր:

Հոր հրաժարականին սպասող  կրտսեր որդին` Ալաան, լսելով հոր հայտարարությունը, զայրացել էր եւ մեծ  եղբորը մեղադրել երկիրը փակուղի մտցնելու մեջ:

«Կյանքի վերջին տարիներին պիտի օգնեիր, որ պատվով մահանար,  իսկ այսպես վարվելով` նրան ամբողջովին հեղինակազրկեցիր»,- ասել է կրտսեր որդին:

Եղբայրների վիճաբանությունն ավարտվել է անվտանգության աշխատակիցների միջամտությամբ: