Սերբիայի 23-ամյա քաղաքացին գնդակոծել է ԱՄՆ դեսպանատունը

Բոսնիայի պետական հեռուստատեսությամբ ցուցադրվել են Սարաեւոյում ԱՄՆ դեսպանատան վրա իրականացված հարձակման նոր կադրեր:

Տեսագրությունում երեւում է` ինչպես է Սերբիայի 23-ամյա քաղաքացի Մեւլիդ Յաշարեւիչը գնդակոծում ԱՄՆ դեսպանատունը: Զինված տղամարդը մոտ կես ժամ կրակահերթեր է արձակել շենքի ուղղությամբ։ Հրազենային ծանր վնասվածք է ստացել դեսպանատունը հսկող ոստիկաններից մեկը:

Յաշարեւիչին հաջողվել է վնասազերծել միայն դիպուկահարի հասցրած վնասվածքից հետո: Նրան տեղափոխել են հիվանդանոց, սակայն նրա կյանքին վտանգ չի սպառնում:

Ավելի վաղ հաղորդվում էր, որ նա սպանվել է: Ըստ հետախուզական ծառայության` ձերբակալվածը կապեր ունի իսլամի արմատական ճյուղին պատկանող վահաբական ուղղության հետեւորդների հետ:

աղբյուրը` ԵրկիրՄեդիաTV