ՀԱԿ-ը ՀՀԿ-ին էլ է միանալու կոչ անում

Հանրապետական կուսակցության բոլոր այն հատվածները, որոնք նույնպես կգիտակցեն ռեժիմի վտանգը եւ դուրս կգան դրա դեմ, կդառնան ժողովրդի դաշնակիցը. լրագրողների հետ հանդիպման ժամանակ հայտարարեց ՀԱԿ համակարգող Լեւոն Զուրաբյանը:

«Երկիր»-ի այն դիտարկմանը, թե ստացվում է, որ ՀԱԿ-ն այսուհետ ոչ թե ավազակապետության եւ ավազակապետների դեմ է պայքարում, այլ ավազակապետի` ի դեմս Սերժ Սարգսյանի, եւ, ռեժիմ ասելով, նկատի ունի հենց Սերժ Սարգսյանին, Զուրաբյանը չհամաձայնեց, իսկ մեզ չհամոզեց նրա, այսպես ասած, հիմնավորումը.

«Մենք անձերից չենք խոսում, մենք խոսում ենք ավազակապետական ռեժիմի մասին: Իսկ ինչ վերաբերում է օլիգարխներին, ապա մենք նրանց առաջարկում ենք, որ Հայաստանում լեգիտիմ իշխանության ժամանակ կհայտնվեն օրինական դաշտում»: