Հերթը հասավ Մուբարաքին

Կահիրեում լուրեր են տարածվել Եգիպտոսի նախկին նախագահ Հոսնի Մուբարաքի հնարավոր մահվան մասին. հաղորդում է Russia Today-ը:

Ապրիլին Հոսնի Մուբարաքի առողջական վիճակը կտրուկ վատացել է, եւ նա տեղափոխվել է հիվանդանոց: Մուբարաքին եւ նրա որդիներին մեղադրում են այս տարի փետրվարյան հեղափոխության ժամանակ ցուցարարների սպանության մեջ: Դատական նիստերին Եգիպտոսի նախկին ղեկավարին բերում են պատգարակով:

Եգիպտական լրատվամիջոցների հավաստմամբ` Մուբարաքի առողջական վիճակը կտրուկ վատացել է, երբ լսել է Լիբիայի նախկին առաջնորդ Մուամար Կադաֆիի սպանության մասին: Իսկ Եգիպտոսի զինվորականները Կադաֆիի մահից հետո ուժեղացրել են անվտանգության միջոցառումները Մուբարաքի հիվանդանոցի մոտ: Շենքն այժմ պաշտպանվում է անվտանգության աշխատակիցների լրացուցիչ ջոկատների կողմից: