Կարապետիչի համար ՀԱԿ-ի դռները բաց են

«Մենք ասել ենք եւ կրկնում ենք` մեր դռները բաց են բոլորի համար, միայն թե այնպես չլինի, որ գան հանուն իմիտացիայի»,- yerkir.am-ի հարցին ի պատասխան` ինչպե՞ս են ՀԱԿ-ում վերաբերվում Ժողովրդական կուսակցության նախագահ Տիգրան Կարապետիչի պատրաստակամությանը` միանալ ՀԱԿ-ին, ասաց ՀԺԿ վարչության քարտուղար, ՀԱԿ անդամ Ֆելիքս Խաչատրյանը` հավելելով, որ եթե գան անկեղծ նպատակներով, կընդունվեն:

«Մեր խնդիրն իշխանությունը ժողովրդին տալն է, եւ եթե ժողովուրդը կընդունի, կհասկանա, կհավատա Տիգրան Կարապետիչին, մենք ոչ մի բան դրա դեմ չենք ունենա»,- հավելեց ընդդիմադիր գործիչը:

Հիշեցնենք, որ օրերս ԺԿ ղեկավար Տիգրան Կարապետյանը հայտարարել էր ՀԱԿ-ին միանալու իր որոշման մասին, ՀԱԿ-ից, սակայն, ոչ ոք նրա մտադրությանը չէր արձագանքել: