Կարապետիչի ամենածայրահեղ քայլը

Այսօր հերթական ասուլիսն էր հրավիրել Ժողովրդական կուսակցության նախագահ Տիգրան Կարապետյանը: Նա խոսքը սկսեց, քննադատելով կոալիցիոն հուշագրի ստորագրումը, քանի որ, ըստ նրա, «3 իշխող ուժերի միավորումը ուզուրպացում է»:

Տ. Կարապետյանի դիտարկմամբ` իշխանությունը հիմա ավելի է ուժեղացել, իսկ ընդդիմությունը ձգտում է միայն աթոռի, բայց կա նաեւ մեկ այլ` նոր ընդդիմություն`Ժողովրդական շարժումը, որը ձգտում է միայն արդարության, քանի որ իրենք, առաջին հերթին, Աստծո մարտիկներ են:

Ըստ ԺԿ նախագահի` իշխանությանն ուղղված, 18 կետից բաղկացած վերջնագրի շուրջ իրենք համագործակցություն էին ակնկալում, բայց վերջնագիրը մնացել է անարձագանք:

Ժողովրդական շարժումը փետրվարի 28-ին` ժամը 15:00-ին Մատենադարանի մոտ հանրահավաք է անցկացնելու, եւ եթե մինչ հանրահավաքն էլ իշխանության կողմից պատասխան չլինի, իրենք դիմելու են ամենածայրահեղ քայլին` իշխանությանը կարմիր քարտ են ցույց տալու: