ՀԱԿ-ը ժողովրդին ձեռ է առնում

Հանրահավաքների ժամանակ Ազատության հրապարակի շրջակայքում փակված զուգարանների հարցն անլուրջ է եւ քաղաքականությանը չվերաբերող. այսօր լրագրողների հետ հանդիպման ժամանակ ասաց ԱԺ ՀՀԿ-ական պատգամավոր Համլետ Հարությունյանը:

Ինչ վերաբերում է ՀԱԿ-իշխանություն երկխոսությանը, պատգամավորը նշեց, թե ինքը կպատասխանի` որպես ՀՀ հպարտ քաղաքացի. «Երբ ես կողքից նայում եմ, տեսնում եմ, որ իշխանություններն իրենց բոլոր պարտավորությունները կատարում են: Իսկ ՀԱԿ-ը տապալում է այդ երկխոսությունը` ենթադրյալ պատճառներ գտնելով: Թուրքիան էլ է այդպես անում` ամեն պատճառ գտնում է բանակցային գործընթացը ձախողելու համար»:

Նրա խոսքերով` ՀԱԿ-ը կարող էր շարունակել երկխոսությունը` ձերբակալված ՀԱԿ ակտիվիստի ազատ արձակման գործընթացին զուգահեռ: Նույնիսկ այդ հանգամանքը կարելի էր ճնշման միջոց դարձնել երկխոսության ընթացքում:

«Ժողովրդին ձեռ են առնում` մեկ երկխոսում են, մեկ չեն երկխոսում, մեկ նստում են, մեկ վեր են կենում»,- ասաց ՀՀԿ-ական պատգամավորը: