Չգիտեմ՝ ո՞վ, ինչո՞ւ, բայց Հայաստանի հպարտ քաղաքացուն հաստատ ձեռ են առնում. Գրիգոր Ջանիկյան

Գրող, թարգմանիչ, հրապարակախոս Գրիգոր Ջանիկյանն իր ֆեյսբուքյան էջում գրում է.

Այսօր անկանխակալ եմ միացրել համակարգիչս: Մտածել եմ՝ շաբաթ է, իշխանությունները մեզ կխնայեն, մեր նյարդերը հանգիստ կթողնեն: Բայց՝ ո՛չ: Ոմն մեկը, որը Հայաստանի համար ճկույթը բթամատին չի մոտեցրել, բայց իմ ու քո տուրքերից, հայրենակի՛ց, միլիոններ է վայելել, ամառվա այս տապին, ամերիկյան իր զով դաստակերտում որոշել է՝ ո՛չ այս, ո՛չ այն, Արարատյան Հայաստանը հայրենիք դարձնել, աթոռից պինդ բռնվեք, չընկնեք, աշխարհի չափ հող ունեցող արաբների, նաև ասորիների համար: Տո՛, տ....ր, իբր Սփյուռքի գործերի հանձնակատար ես, նախ քո գերի հայրենիքը քո տարագիր հայրենակցիների համար ազատագրելու մասին մտածիր, հետո այս մի ափ հողը այլոց ընծայիր: Բա գնչունե՞րը, ղպտինե՞րը, քաղկեդոնացինե՞րը, քրդե՞րը, ալաուիթնե՞րը՝ նրանք էլ են ախր մեղք, նրանք էլ հայրենիք չունեն, նրանց էլ բեր Հայաստան:

Չգիտեմ՝ ո՞վ, ինչո՞ւ, բայց Հայաստանի հպարտ քաղաքացուն հաստատ ձեռ են առնում: