ՀԱԿ-ի մանկական խաղերը օգուտ չեն տա

Հայաստանի Դեմոկրատական կուսակցության նախագահ Արամ Սարգսյանը դժվարանում է մեկնաբանել ՀԱԿ-ի` արտահերթ ընտրությունների պահանջը Սերժ Սարգսյանի հրաժարականով փոխարինելը:

«Դժվար է մեկնաբանել այն, ինչ տրամաբանության մեջ չի տեղավորվում: ՀԱԿ-ը երեք տարի արտահերթ ընտրություններ էր պահանջում, իսկ այսօր` չգիտես ինչ: Սա եւս մեկ անգամ գալիս է ապացուցելու, որ ՀԱԿ-ը պարզապես դեմքը պահելու խնդիր ունի»,- yerkir.am-ի հետ զրույցում նկատեց Արամ Սարգսյանը:

Չհանաձայնելով մեր այն դիտարկմանը, որ փոխվել է ՀԱԿ-ի պահանջի ձեւակերպումը, Սարգսյանը հավաստիացրեց, որ ոչ մի բան էլ չի փոխվել, «պարզապես խաղեր են տալիս, այն էլ` մանկական»: Խաղերի արդյունքում, ըստ Սարգսյանի, ՀԱԿ-ը ոչինչ էլ չի ստանա:

«Ես այն լավատեսներից չեմ, ովքեր կարծում են, թե ՀԱԿ-ը կանցնի նոր խորհրդարան»,- նշեց Հայաստանի Դեմոկրատական կուսակցության նախագահ եւ հավելեց, որ այդ հարցում ՀԱԿ-ը «համապատասխան կառույցների օգնությունը չի ստանա»: