Ռուս լրտեսները գործելու լայն իրավունքներ ունեն

Ռուսական գաղտնի ծառայությունները իրենց երկրից դուրս գտնվող ահաբեկիչներին եւ ծայրահեղականներին ոչնչացնելու թույլտվություն ունեն. գրում է անգլիական «Թելեգրաֆը»` հրապարակելով մի  գաղտնի փաստաթուղթ` թվագրված 2003 թվականի մարտի 19-ով:

Այս փաստաթուղթը ուսումնասիրվում է Սքոթլենդ Յարդի ահաբեկչական հետաքննության բաժանմունքում, որը հետաքննում է գաղտնի գործակալ Ալեքսանդր Լիտվինենկոյի սպանության գործը:

Փաստաթղթում նշվում է, որ ՌԴ անվտանգության դաշնային ծառայության աշխատակիցները կարող են ոչնչացնել ահաբեկչական եւ ծայրահեղական խմբերի առաջնորդներին, ինչպեսեւ ծանր հանցագործությունների մեջ մեղադրվող անձանց Եվրամիության տարածքում եւ սահմանակից պետություններում:

Այս լուրը մեծ աղմուկ է բարձրացրել ռուսական բլոգոսֆերայում: Ռուսական լրատվամիջոցները տեղեկացնում են, որ շատ բլոգերներ այս փաստաթուղթը համարում են տեղեկատվական հոսք եւ չեն կարծում, թե այն կեղծված է: