Երկխոսությունը կվերսկսվի, եթե ՀԱԿ-ը վեր կանգնի նախապայմաններից

Երկխոսության վերաբերյալ կոալիցիան իր հայտարարության մեջ հստակ ասել է, որ կա հստակ տարանջատում` քաղաքական խնդիրները պետք է լուծվեն քաղաքական դաշտում, իրավական խնդիրները` իրավական դաշտում. ի պատասխան հարցի` որքանո՞վ է հավանական ՀԱԿ-կոալիցիա երկխոսության վերսկսումը, yerkir.am-ին ասաց ԱԺ ԲՀԿ խմբակցության պատգամավոր Նաիրա Զոհրաբյանը:

«Ցանկացած պահի, երբ մեր ՀԱԿ գործընկերները վեր կկանգնեն նախապայմաններից, իրենց գործելաոճից, մենք պատրաստ ենք վերսկսել երկխոսությունը: Ինքս անձամբ դա համարում էի շատ կարեւոր սկիզբ` երկրում առկա պրոբլեմներն ու մարտահրավերները մեկ կլոր սեղանի շուրջ լուծելու համար: Մեր հայտարարության մեջ ամեն ինչ ասված է, դրանից հետո որեւէ շեշտադրում, որեւէ դիրքորոշում չի փոխվել»,- հավելեց Զոհրաբյանը: