Պուտինին լրագրո՞ղ են "պատիվ տվել"

Ռուսաստանի հետաքննչական մարմինն ավարտել է Մոսկվայի ներքին գործերի վարչության օպերատիվ հետախուզության բաժնի նախկին պետ Դմիտրի Պավլյուչենկովի հարցաքննությունները: Վերջինս մեղադրվում է «Նովայա գազետա» թերթի լրագրող Աննա Պոլիտկովսկայայի սպանության գործով:

Նա իր ցուցմունքներում նշել է, թե նախ ցանկացել են, որ լրագրողին հետեւեն եւ վախեցնեն, իսկ այնուհետեւ պատվիրել են սպանել հոկտեմբերի 7-ից ոչ ուշ կամ հենց այդ օրը: Դա  ՌԴ ներկայիս վարչապետ Վլադիմիր Պուտինի ծննդյան օրն է, որը սպանության ժամանակ երկրի նախագահն էր:

«Կոմերսանտը» գրում է, որ Պավլյուչենկովը չի բացառել այն, որ սպանության պատվիրատուն կարող է լինել թե' չեչեն հեղինակություններից մեկը, թե' ներկայումս Բրիտանիայում բնակվող գործարար Բորիս Բերեզովսկին: