ՀԱՅԿԱԿԱՆ ԺԱՄԱՆԱԿ. ԿԸՀ նոր նախագահը

Առաջին օրերին ԿԸՀ անդամ կնշանակվի, հետո այդ հանձնաժողովի նախագահ կդառնա ՀՀ վերաքննիչ վարչական դատարանի նախագահ Տիգրան Մուկուչյանը: Սերժ Սարգսյանի ստորագրած հրամանագրով երեկ նա ազատվել է պաշտոնից:

ԿԸՀ անդամի թեկնածուին առաջադրելու լիազորությունը տրվել է ՀՀ Վճռաբեկ դատարանի նախագահ Արման Մկրտումյանին: Թերթի տեղեկություններով` Մուկուչյանին ԿԸՀ նախագահ դարձնելու հարցում հատկապես հենց նա է շահագրգռված: Մուկուչյանը համարվում է դատական համակարգի միակ պաշտոնյան, որը Մկրտումյանի լիարժեք վերահսկողության տակ չէր: Նրան ԿԸՀ ուղարկելով` Մկրտումյանը հնարավորություն կստանա Մուկուչյանի տեղն իր մարդուն նշանակել:

Մուկուչյանի համար սա պաշտոնի իջեցում է: Բայց նա չէր կարող որեւէ կերպ ընդդիմանալ կամ ցույց տար, որ դժգոհ է, դա նրա համար ճակատագրական հետեւանք կարող էր ունենալ: