Ա՜յ քեզ օգնություն

Արմավիրի մարզի Ոսկեհատ համայնքում ֆրանսիական բարեգործական մի կազմակերպություն՝ Հայ Առաքելական եկեղեցու միջնորդությամբ, օրերս գյուղի թոշակառուներին, երեխաներին եւ զոհված ազատամարտիկների ընտանիքներին տրամադրել է ատամնաբուժական օգնություն:

Ինչպես «Երկիր»-ին տեղեկացրին ոսկեհատցի Ռիմա տատը եւ նրա ամուսինը, մի քանի օր առաջ իրենց էլ են հայտնում, որ կարող են օգտվել այդ օգնությունից: «Գյուղում եկան ասեցին, որ թոշակառուներին ձրի ատամ են գցում. ես ու կնիկս էլ հելանք, գնացինք: Վայ էն ատամ գցելուն: Ռիմա', հլա ատամներդ ցույց տուր, էնքան մեծ պրոթեզ են տվել, որ բերանն էլ չի մտնում»:

Պարզվեց նաեւ, որ մեր զրուցակիցներն այդ մեծ պրոթեզի համար մուծել են 15 հազար դրամ: